بیجنگ (شِنہوا) چین میں سالانہ "ڈبل 11" آن لائن خریداری مہم کے دوران چین کی ایکسپریس ترسیل کے حجم میں تیزی سے اضافہ ہوا جو صارف مارکیٹ کی بحالی اور توسیع کا ثبوت ہے۔

ریاستی ڈاک بیورو کے مطابق یکم نومبر سے 16 نومبر تک ملک بھر میں ایکسپریس ترسیل کے اداروں نے مجموعی طور پر تقریباً 7.77 ارب پیکجز نمٹائے جو ایک برس قبل کے مقابلے میں 25.7 فیصد زائد ہے۔

اس عرصے میں مجموعی طور پر 7.51 ارب پیکجز بھیجے گئے جو 2022 کی اسی مدت کے مقابلے میں 30.9 فیصد اضافہ ہے۔

ایکسپریس ترسیل کے اداروں نے خریداری موسم کے عروج پر بڑھتی طلب کو پورا کرنے کے لئے کوریئرز کی تعداد میں اضافہ کیا اور کام کے اوقات میں توسیع کی اور مزید خودکارسہولیات بڑھائیں۔