بیجنگ(شِنہوا)رواں سال  کے پہلے دو مہینوں میں چینی مین لینڈ میں براہ راست غیر ملکی سرمایہ کاری (ایف ڈی آئی) حقیقی طورگزشتہ سال کی نسبت 6.1 فیصد بڑھ کر 268 ارب44 کروڑ یوآن  تک پہنچ گئی ۔

چین کی وزارت تجارت نے جمعہ کوبتایاکہ امریکی ڈالر کے لحاظ سے ایف ڈی آئی کی آمد گزشتہ سال کی نسبت 1 فیصد بڑھ کر39 ارب 71 کروڑ ڈالر تک پہنچ گئی۔

 وزارت کے اعداد و شمارکے مطابق خدمات کی صنعت میں پہلے دو مہینوں کے دوران سالانہ بنیادوں پربراہ راست غیر ملکی سرمایہ کاری کی آمد میں گزشتہ سال کی نسبت 10.1 فیصد اضافہ ریکارڈ کیا گیا جبکہ ہائی ٹیک صنعتوں میں ایف ڈی آئی گزشتہ سال کی نسبت  32 فیصد بڑھ گئی ۔

 خاص طور پر ہائی ٹیک مینوفیکچرنگ میں ایف ڈی آئی گزشتہ سال کی اسی مدت کے مقابلے میں 68.9 فیصد بڑھ گئی جبکہ ہائی ٹیک خدمات کے شعبے میں  گزشتہ سال کے اسی دورانیے کی نسبت ایف ڈی آئی میں 23.3 فیصد اضافہ ہوا۔

 اس عرصے کے دوران بیلٹ اینڈ روڈ ممالک اورجنوب مشرقی ایشیائی ممالک کی ایسوسی ایشن کی سرمایہ کاری میں بالترتیب 11 فیصد اور 11.8 فیصد اضافہ ہوا۔