بیجنگ(شِنہوا) چین میں کوویڈ-19 کی احتیاطی تدابیر میں تبدیلی سے سفری مانگ میں اضافہ ہوا اور چینی قمری سال نو کے تہوار کے بعد ریلوے مسافروں کے سفری دورے گزشتہ سال کی نسبت 48.7 فیصد بڑھ کر 10کروڑ سے زیادہ ہو گئے۔

چائنہ اسٹیٹ ریلوے گروپ کمپنی لمیٹڈ کے اعداد و شمارکے مطابق 22 جنوری سے یکم فروری تک ٹرین کے ذریعے کل 10کروڑ20لاکھ سفری دورے کیے گئے جو پچھلے سال کی اسی مدت کے مقابلے میں 3کروڑ35لاکھ10ہزار زیادہ ہیں۔

کمپنی نے کہا کہ اس عرصے میں روزانہ اوسطاً 93لاکھ10ہزار سفری دورے کیے گئے جو کہ 2019 میں وبائی مرض سے پہلے کی سطح کا تقریباً 90 فیصد ہے۔

بڑھتی ہوئی سفری مانگ کو پورا کرنے کے لیے اضافی ٹرینیں چلائی گئیں اور ایک مقام سے دوسرے مقام  ٹرینوں نے تارکین وطن کارکنوں کو براہ راست ان کے کام کی جگہوں پر واپس پہنچایا۔