بیجنگ(شِنہوا) چین میں آتشیں اسلحہ اور دھماکہ خیزمواد سے متعلقہ جرائم کے مقدمات کی تعداد 2022 میں ریکارڈ کم ترین سطح پر پہنچ گئی۔

وزارت پبلک سیکورٹی(ایم پی ایس) کے ذیلی ادارے  پبلک سیکورٹی منیجمنٹ بیورو کے نائب سربراہ چھی شی گو نے منگل کو ایک پریس کانفرنس میں کہا کہ چین دنیا میں بندوق اور دھماکہ خیز مواد سے ہونے والے تشدد کے سب سے کم واقعات والے ممالک میں سے ایک بن گیا ہے۔

عہدیدار نے حالیہ برسوں میں آتشیں اسلحے اور دھماکہ خیز مواد سے ہونے والے جرائم  سے متعلق مقدمات کی تعداد میں مسلسل کمی کا ذکر کرتے ہوئے ایسےجرائم  سے نمٹنے کے لیے وزارت کی جاری کوششوں کی کامیابی پر روشنی ڈالی۔ وزارت کے اعداد و شمار کے مطابق، ملک بھر میں، رواں سال ایسے جرائم کے مقدمات میں گزشتہ سال کی نسبت 16 فیصد کمی ہوئی ہے۔

رواں سال ابتک  حکام نے آتشیں اسلحے اور دھماکہ خیز مواد سے متعلق 13 ہزار مقدمات کی چھان بین کی اور انہیں حل کیا ہے۔