ژینگژو (شِنہوا) چین میں فوجی بیرکوں میں سائبر سیکورٹی کو فروغ دینے کے لیے ایک ہفتہ طویل آگاہی مہم  شروع ہوگئی۔اس حوالے سے پیپلز لبریشن آرمی اسٹریٹجک سپورٹ فورس انفارمیشن انجینئرنگ یونیورسٹی میں افتتاحی تقریب کا انعقاد کیاگیا۔ فوجی بیرکوں میں 2023 کے سائبر سیکورٹی سے متعلق ہفتہ آگاہی کے دوران  انٹرنیٹ کے استعمال کو فروغ دینے، قانون کے مطابق سائبر سیکورٹی کو یقینی بنانے اور فوج کے لیے صاف آن لائن ماحول کو فروغ دینے پر توجہ مرکوز کی جائے گی۔

 ہفتہ آگاہی کا مقصد انٹرنیٹ کی قانونی منیجمنٹ، گورننس اوراستعمال کی ترغیب دیتے ہوئے سائبرسیکورٹی قوانین، ضوابط اور پالیسیوں کے بارے میں بیداری پیدا کرنا ہے۔ 

ہفتہ بھر جاری رہنے والے ایونٹ کے دوران، فوجی یونٹس آن لائن نظریاتی دائرے میں پیچیدہ اور چیلنجنگ ماحول سے نمٹنے کی تعلیم حاصل کریں گے جس سے وہ ڈیجیٹل دائرے میں سائبر سیکورٹی تحفظ اور ابھرتی ہوئی ٹیکنالوجیز کا علم حاصل کریں گے۔