بیجنگ (شِنہوا) چینی ماہرین حیاتیات نے ملک کے شمال مشرق میں پائے جانے والے 12کروڑسال پرانے فوسل بنے ہوئے پرندے کے پیٹ میں موجود سبزیوں کی خوراک کی باقیات کی نشاندہی کرکے ایک اہم دریافت کی ہے۔جریدے نیچر کمیونیکیشنز میں شائع ہونے والی یہ تحقیق  براہ راست غذائی ثبوت فراہم کرتی ہیں کہ ہمارے سیارے پر قدیم ترین پرندے جیہولرنیس ان پودوں(انجیو اسپرم) کے پتے کھاتے جن پر پھول لگتے اور پھران کے پھل میں بیج پیدا ہوتے۔پرندوں کے بارے میں خیال کیا جاتا ہے کہ وہ انجیو اسپرم کی ابتدا میں ایک اہم کردار ادا کرتے ہیں، جو زمین کے جدید ماحولیاتی نظام میں موجود تمام معروف زندہ سبز پودوں میں سے تقریباً 80 فیصد کی نمائندگی کرنے والا سب سے بڑا اور متنوع پودوں کا گروپ ہے۔زندہ پرندوں اور بیج پیدا کرنے والے ان پودوں کے درمیان پولی نیشن اور بیجوں کے پھیلاؤمیں ایک مضبوط تعلق پایا جاتا ہے، لیکن ان کے ابتدائی ارتقاء میں غذائی ریکارڈ بہت نایاب ہیں۔