بیجنگ (شِنہوا) چین میں گزشتہ ماہ مہنگائی قابو میں رہی،گزشتہ سال کے مقابلے میں صارف قیمتوں میں ہلکا اضافہ اور فیکٹریوں کے تیارشدہ مال کی لاگت میں معمولی کمی واقع ہوئی۔قومی ادارہ شماریات (این بی ایس) نے جمعرات کو بتایا کہ افراط زر کا اہم پیمانہ، صارف قیمت  کے اشاریہ (سی پی آئی)  میں فروری کے دوران گزشتہ سال کی نسبت1 فیصد اضافہ ہوا۔

این بی ایس کے بیان کے مطابق، یہ اضافہ جنوری میں ہونے والے2.1 فیصد اضافے سے کم تھا۔ ماہانہ بنیادوں پر، صارف قیمتوں میں 0.5 فیصد کمی واقع ہوئی، جس سے پچھلے مہینے میں ہونے والے 0.8 فیصد اضافےمیں کمی ہوئی۔ این بی ایس کے ماہر شماریات ڈونگ لی جوآن نے جنوری میں  موسم بہار کے تہوار کی تعطیلات اور سامان کی زیادہ فراہمی کے بعد مارکیٹ طلب میں کمی کو  ہلکی مہنگائی کی وجہ قرار دیا ہے۔