تیانجن(شِنہوا)چین کی شمالی تیانجن میونسپلٹی میں رواں سال اپریل سے ستمبر تک یورپی طیارہ ساز کمپنی ایئربس کو معاہدے پر دستخط کرنے کے بعد اپنی دوسری و آخری اسمبلی لائن  کو فعال کرنے میں تقریباََ صرف پانچ مہینے لگے۔

ایئربس کے سی ای او گیلوم فیوری نے کہا کہ یہ چین میں ہوابازی کے مستقبل پر اعتماد کا مظہر ہے جو چین میں شراکت داروں کے ساتھ ایئربس کے طویل، بھروسہ مند اور کامیاب تعلقات کو بھی اجاگر کرتا ہے۔

چین میں بڑے پیمانے پر مکمل صنعتی نظام، سائنسی اور تکنیکی جدت طرازی کے لیے سازگار ماحول اور مسلسل کھلے پن کی حامل چینی مارکیٹ کے جامع فوائد نے زیادہ سے زیادہ غیر ملکی سرمایہ کاری کوراغب کیا ہے۔

مئی میں ریفریجریشن انڈسٹری کی بڑی کمپنی ڈین فاس نےتیانجن میں اپنے عالمی ریفریجریشن ریسرچ اینڈ ڈیولپمنٹ (آر اینڈ ڈی) اور ٹیسٹنگ سینٹر کا افتتاح کیا۔ یہ مرکزتقریباً 7 ہزارمربع میٹر کے کل رقبے اور تقریباً 14 کروڑ یوآن (تقریباً 1 کروڑ90 لاکھ ڈالر) کی کل سرمایہ کاری کے ساتھ  دنیا بھر میں کمپنی کا سب سے جدید اور سب سے بڑا مرکز ہے۔

ڈین فاس چائنہ کے صدر آرتھر شو نے کہا کہ گروپ کے لیے چین میں "پیداوار" سے  "تخلیق" کی طرف بڑھنا اہم ہے جو چین کی ماحول دوست ترقی اور چینی معیشت کے طویل مدتی امکانات پر کمپنی کے اعتماد کی عکاسی کرتا ہے۔