بیجنگ(شِنہوا)چین کے بیشتر شہروں میں اگست کے مہینے کے دوران  گھروں کی قیمتوں میں گزشتہ ماہ کے مقابلے میں کمی ہوئی ہے جبکہ کچھ شہروں میں قیمتوں میں اضافہ ہوا ہے۔

قومی ادارہ برائے شماریات (این بی ایس) کے مطابق گزشتہ ماہ 70 بڑے اور درمیانے درجے کے شہروں میں سے 17 میں گھروں کی نئی قیمتوں میں گزشتہ ماہ کے مقابلے اضافہ ہوا ہے جو کہ جو لا ئی کی نسبت 20 کم ہیں۔

ایک ماہ قبل کی سطح کے مقابلے میں چار پہلے درجے کے شہروں بیجنگ، شنگھائی، گوانگ ژو اور شینزین میں گھروں کی نئی قیمتوں میں اگست کے مہینے کے مقابلے میں 0.2 فیصد کمی واقع ہوئی ہے۔

دوسرے درجے کے 31 شہروں میں نئے گھروں کی قیمتوں میں جولائی کے مقابلے میں 0.2 فیصد کمی ہوئی جبکہ تیسرے درجے کے 35 شہروں میں نئے مکانات کی قیمتوں میں 0.4 فیصد کمی واقع ہوئی  جبکہ جولائی کی 0.3 فیصد کمی کے مقابلے میں گراوٹ کی حد ایک درجہ بڑھ گئی ہے۔