تائی یوآن (شِنہوا) چین نے شمالی صوبے شنشی کے قدیم شہر پھنگ یاؤ کی یونیسکو کی عالمی ثقافتی ورثہ فہرست میں شامل ہونے کی 26 ویں سالگرہ کی مناسبت سے خصوصی ڈاک ٹکٹوں کا ایک سیٹ جاری کردیا ہے۔

تین ڈاک ٹکٹوں اور ایک منی ایچر شیٹ کا سیٹ قدیم شہر کے مجموعی مناظر اور نمائندہ فن تعمیر کی عکاسی کرتا ہے۔

اس پورے سیٹ کی قیمت فروخت 9 یوآن (تقریباً 1.27 امریکی ڈالر) مقرر کی گئی ہے۔ 

پھنگ یاؤ 2 ہزار 700 برس سے زائد کی تاریخ رکھتا ہے اور یہ اپنے اچھی طرح سے محفوظ قدیم فن تعمیر کے لئے مشہور ہے۔ یونیسکو نے اسے 1997 میں عالمی ثقافتی ورثہ قرار دیا تھا۔

پھنگ یاؤ کاؤنٹی کے ایک عہدیدار فینگ یوچھوان پرامید ہیں کہ ڈاک ٹکٹوں سے قدیم شہر کی مقبولیت میں مزید اضافہ ہوگا۔