بیجنگ (شِنہوا)چینی پولیس نے ایک خصوصی مہم کے دوران ڈیپ فیک فیس ٹیکنالوجی کا استعمال کرکے دھوکہ دہی میں ملوث515 افراد کو گرفتار کرلیاہے۔

وزارت پبلک سیکورٹی کے سائبرسیکورٹی بیورو کے سینئر عہدیدار سن جن فینگ نے جمعرات کو ایک پریس کانفرنس میں کہا کہ مہم کے دوران مجموعی طور پر79 متعلقہ کیسز کو حل کیا گیا ہے۔ سن نے کہا کہ پولیس چیٹ جی پی ٹی، کلاؤڈ کمپیوٹنگ، بلاک چین اور ڈیپ فیک جیسی جدید ٹیکنالوجیز کا غلط استعمال کرکے شہریوں کی ذاتی معلومات کی خلاف ورزیوں پر گہری نظر رکھے ہوئے ہے۔ دیگرغیر قانونی سرگرمیوں کے لیے ذاتی معلومات کی چوری کا ذکر کرتے ہوئے، سن نے کہا کہ  اس طرح کی خلاف ورزیوں کے خلاف کریک ڈاؤن کے لیے سخت اقدامات اٹھائے جائیں گے۔

انہوں نے بتایا کہ 2020 سے، وزارت نے ہر سال خصوصی "کلین سائبر اسپیس" مہم شروع کی ہے جس کا مقصد ذاتی معلومات کی خلاف ورزیوں پر کریک ڈاؤن کرنا ہے۔