شی آن (شِنہوا) چین کے شمال مغربی صوبہ شانشی کے دارالحکومت شی آن کے مضافات میں بارش کے سبب چٹان اور مٹی کا تودہ گرنے سے ہلاک ہونے والوں کی تعداد بڑھ کر21 ہوگئی ہے جبکہ 6 دیگر اب بھی لاپتہ ہیں۔

بلدیہ شی آن کے شعبہ ہنگامی انتطامات کے مطابق جمعہ کے روز موسلا دھار بارش سے ضلع چھانگ آن کے مضافات میں واقع ایک گاؤں میں مٹی کا تودہ گر نے کے باعث حادثہ ہوا۔

اس وقت 980 سے زائد افراد پر مشتمل 14 امدادی ٹیمز تلاش اور بچاؤ کا کام جاری رکھے ہوئے ہیں جس کے پاس لائف ڈیٹیکٹرز، سیٹلائٹ فون اور کھدائی کے آلات موجود ہیں۔

انہوں نے بتایا کہ چٹان اور مٹی کے تودے گرنے سے 2 رہائشی مکانات، سڑکیں، بجلی کی فراہمی اور مواصلاتی سہولیات کو نقصان پہنچا ہے۔

 امدادی اہلکاروں نے 186 افراد کو نکالنے کے دوران تباہ شدہ سڑکوں اور بنیادی ڈھانچے کی مرمت کی تاکہ ٹریفک، بجلی کی فراہمی اور مواصلاتی خدمات بحال کی جاسکیں۔