بیجنگ (شِنہوا) وزارت خزانہ اور ریاستی محصولات انتظامیہ کے گزشتہ ہفتے ریاستی کونسل کے اجلاس میں ہونے والے فیصلوں کی بنیاد پر جاری کردہ متعدد مراسلوں کے مطابق چین نے ترجیحی ٹیکس اور فیس پالیسیوں میں بہتری لاتے ہوئے اس میں توسیع کر دی ہے۔

کم نفع بخش چھوٹے کاروباری اداروں کے لیےان کی سالانہ قابل ٹیکس آمدنی کا وہ حصہ جو 10 لاکھ یوآن (تقریباً 1 لاکھ 45 ہزار 530 امریکی ڈالرز) سے زیادہ نہیں ہے، اُسے 2023 سے 2024 تک اصل رقم کے 25 فیصد کے طور پر شمار کیا جائے گا۔

اسی شرط کے تحت خود روزگار افراد کے لئے انفرادی انکم ٹیکس کی ادائیگی آدھی کردی جائے گی۔

لاجسٹکس کمپنیوں کی جانب سے بڑے پیمانے پر اجناس ذخیرہ کرنے کے لیے استعمال کی جانے والی زمین پر ٹیکس کی شرح 2023 سے 2027 تک نصف کردی جائے گی۔

سائنس ٹیکنالوجی اختراع سے بہتر تعاون کے لیے کاروباری اداروں کے تحقیق و ترقیاتی اخراجات میں قبل ازٹیکس کٹوتی بارے اپنی پالیسی کو مزید بہتر بنایا جاریا ہے جس پر عملدرآمد یکم جنوری 2023 سے شروع ہوچکا ہے۔

مزید یہ کہ مائیکرو اور چھوٹے کاروباری اداروں کی مدد کرنے اور اخراجات کا بوجھ کم کرنے ، معذور افراد کے روزگار کو تحفظ دینے والے فنڈز پر ترجیحی پالیسیاں 2027 کے اختتام تک لاگو رہیں گی۔

بیجنگ نیشنل اکاؤنٹنگ انسٹی ٹیوٹ کے پروفیسر لی شوہونگ نے کہا ہے کہ پالیسیاں کاروباری اداروں کی توقعات کو مزید مستحکم کرنے اور ان کا اعتماد بڑھانے کے لئے سازگار ہیں۔