بیجنگ (شِنہوا) چین کے شمال مغربی صوبے شانشی میں ڈیپ کول بیڈ میتھین (سی بی ایم) فیلڈ دریافت ہوئی ہے جس کے ثابت شدہ ذخائر 110 ارب کیوبک میٹر سے زیادہ ہیں۔

چائنہ نیشنل آف شور آئل کارپوریشن (سی این او او سی)کے سی ای او ژو شن ہوئی نے پیر کو بتایا کہ یولِن شہر میں اوردوس طاس کے مشرقی کنارے پر شینفو ڈیپ سی بی ایم فیلڈ کی دریافت قومی انرجی سیکورٹی میں معاون ثابت ہوگی۔

سی بی ایم  سے مراد کوئلے کے ذخائر کی تہوں کے درمیان ذخیرہ شدہ قدرتی گیس ہے۔ 1ہزار500 میٹر سے زیادہ گہرائی میں دریافت ہونے والے ذخائر کو ڈیپ سی بی ایم کہا جاتا ہے۔

شینفو ڈیپ سی بی ایم فیلڈ کا کوئلہ تقریباً 2ہزار میٹر گہرائی میں موجود  ہے اور ایک تہہ کی موٹائی 6.2 میٹر اور 23.3 میٹر کے درمیان ہے، جس میں فی ٹن کوئلے کی اوسط گیس کی مقدار 15 کیوبک میٹر تک ہے۔

فی الحال، علاقے میں 100 سے زیادہ دریافت شدہ کنویں کھودے گئے ہیں، جس میں یومیہ زیادہ سے زیادہ 26ہزار کیوبک میٹر فی کنواں گیس نکالی جارہی ہے۔