بیجنگ (شِنہوا) چین کے عظیم قومی ہیرو، عظیم محب وطن اور چین کے جمہوری انقلاب کے عظیم پیشرو سن یات سین کی 157 ویں سالگرہ کی مناسبت سے ایک تقریب کا انعقاد کیا گیا۔

یہ تقریب اتوار کے روز چینی عوامی سیاسی مشاورتی کانفرنس کی قومی کمیٹی نے بیجنگ کے ژونگ شان پارک میں منعقد کی جسے سن کے نام پر منسوب کیا گیا ہے۔

چینی عوامی سیاسی مشاورتی کانفرنس کی قومی کمیٹی، چینی کومن تانگ انقلابی کمیٹی کی مرکزی کمیٹی ، کمیونسٹ پارٹی آف چائنہ کی مرکزی کمیٹی کے یونائیٹڈ فرنٹ ورک ڈیپارٹمنٹ اور بیجنگ بلدیاتی حکومت کے سینئر عہدیداروں نے سن کے مجسمے کے سامنے پھول رکھے۔

غیر کمیونسٹ جماعتوں کی مرکزی کمیٹیوں اور پارٹی وابستگی نہ رکھنے والے افراد کے نمائندوں نے بھی انہیں خراج عقیدت پیش کیا۔

سن چین کے جنوبی صوبے گوانگ ڈونگ میں 1866 میں پیدا ہوئے تھے۔ انہیں 1911 کے انقلاب کے دوران اپنے قائدانہ کردار کے حوالے سے جانا جاتا ہے جس نے بادشاہت کے چھنگ دور (1911-1644) کا تختہ الٹ کر چین میں 2 ہزار سے زائد عرصے سے جاری جاگیردارانہ حکمرانی کا خاتمہ کیا تھا۔