بیجنگ (شِنہوا) چین میں اومی کرون کی ذیلی اقسام ایکس بی بی کوویڈ -19 وائرس کی زیادہ تر پائی جانے والی قسم ہے جس میں بیماری کا باعث بننے والی خصوصیات میں کوئی بڑی تبدیلی دیکھنے میں نہیں آئی۔

چائنہ سنٹر فار ڈیزیز کنٹرول اینڈ پریوینشن کے ذیلی ادارے نیشنل انسٹی ٹیوٹ فار وائرل ڈیزیز کنٹرول اینڈ پریوینشن کے ریسرچ فیلو چھین کاو نےپیر کو ایک پریس کانفرنس میں کہا کہ چین میں ذیلی اقسام  ایکس بی بی کا پھیلاؤ فروری کے وسط میں 0.2 فیصد سے بڑھ کر اپریل کے آخر میں 74.4 فیصد تک پہنچ گیاتھا۔

چھین نےبتایا کہ کوویڈ-19 کے درآمدی کیسز میں سے، اپریل کے آخر میں ریکارڈ کیے گئے 97.5 فیصد ایکس بی بی کی ذیلی قسم کے تھے، جو بنیادی طور پر دنیا بھر میں وبا کی صورتحال  کے مطابق تھے۔انہوں نے کہا کہ چین نے کوویڈ-19کا مانیٹرنگ اور وارننگ سسٹم قائم کیا ہے جس میں کلیدی ہسپتالوں اور مقامات، بخار کے کلینکس اور اربن سیوریج کا احاطہ کیا گیا ہے، انہوں نے مزید کہا کہ شہریوں کو حفظان صحت کی اچھی عادات کو برقرار رکھنا اور اس وبا سے بچاؤ کا معقول انتظام کرناچاہیے۔