شی آن (شِنہوا) چین کے شمال مغربی صوبہ شانشی کے دارالحکومت شی آن کے مضافاتی علاقے میں طوفانی بارشوں کے باعث چٹان اور مٹی کے تودے گرنے سے دو افراد ہلاک اور 16 لاپتہ ہو گئے ۔

شی آن میں میونسپل ایمرجنسی مینجمنٹ حکام کے ذرائع کے مطابق حادثہ چھانگ آن ضلع کے مضافات میں واقع لوان ژین ٹاؤن شپ کے ایک گاؤں میں شام 6 بجے کے قریب پیش آیا۔

ان کا کہنا تھا کہ چٹان اور مٹی کے  تودے گرنے سے دو رہائشی مکانات کے ساتھ ساتھ سڑکوں، پلوں اور بجلی کی فراہمی کی سہولیات کو بھی نقصان پہنچا۔ امدادی کارکنوں نے اب تک پھنسے چار افراد کو بچا لیا ہےجبکہ امدادی کارروائیاں جاری ہیں۔