بیجنگ(شِنہوا) چینی سائنسدانوں نے مکئی میں ایسے اہم جینز دریافت کیے ہیں جس سے کم رقبے پر زیادہ پودے کاشت کرتے ہوئے پیداوار میں اضافہ کیا جاسکتا ہے۔

سائنس اینڈ ٹیکنالوجی ڈیلی میں جمعرات کو شائع ایک رپورٹ کے مطابق کم رقبے پر مکئی کے زیادہ پودوں کی کاشت پیداوار بڑھانے کا ایک مؤثر طریقہ ہے، لیکن اس سے جڑوں کی زمین میں مضبوطی کمزور ہونے سے مکئی کی پیداوار کو ایک بڑا خطرہ درپیش  رہتا ہے، جس کے نتیجے میں پیداوار اور معیار میں کمی اور فصل کی کٹائی کے اخراجات میں اضافہ ہوتا ہے۔

چین کی اکیڈمی آف ایگریکلچرل سائنسز کے ذیلی ادارے بائیوٹیکنالوجی ریسرچ انسٹی ٹیوٹ کے محققین اور چین کے دیگر اداروں نے زیڈ ایم وائی یو سی 2 اور زیڈ ایم وائی یو سی 4 نامی جینز کا پتہ چلایا ہے جو جڑوں کی ساخت کوریگولیٹ کرتے ہیں۔

تحقیق سے یہ بات معلوم ہوئی کہ زیڈ ایم یو سی 4 سنگل میوٹینٹ اور زیڈ ایم یو سی 2/4 ڈبل میوٹینٹ جنگلی قسم کے پودوں کے مقابلے میں ایسی جڑوں کی نشوونما میں اہم کردار ادا کرتے ہیں جو زیادہ مضبوطی سے زمین میں پیوست رہتی ہیں۔