بیجنگ (شِنہوا) چین میں ٹریول حکام اور سیاحتی صنعت کے  اداروں کو موسم بہارکے تہوار کے دوران ریکارڈ توڑسفری دوروں کی توقع ہے، اس بھرپور سفری سیزن سے ملک کی اقتصادی بحالی میں نیا اضافہ ہو گا۔ موسم بہار کا تہوار، جو اس سال 10 فروری کو آرہا ہے،چین کا سب سے بڑا تہواراور خاندانوں کے آپس میں ملنے کا دن ہے۔ یہ دنیا کی دوسری سب سے بڑی معیشت میں کاروبار اور صارفین کے اعتماد کی سطح کو دیکھنے کا ایک اہم موقع ہوگا۔

ماہرین نے کہا ہے کہ سفر کی ریکارڈ طلب کے ساتھ، اس سال کے موسم بہار کے تہوار کی تعطیل حالیہ برسوں میں سب سے زیادہ متحرک اور خوشحال بننے کاموقع ہوگی۔

  چین کی سول ایوی ایشن ایڈمنسٹریشن کے مطابق اس سال کے موسم بہار کے تہوار کے26جنوری سے 5مارچ کو ختم ہونے والے سفری رش کے دوران ایک اندازے کے مطابق 8 کروڑمسافر فضائی سفر کریں گے، جو ایک ریکارڈ ہے۔ یہ اعداد و شمار 2023 کی اسی مدت کے مقابلے میں 44.9 فیصد اور 2019 میں موسم بہار کے تہوار کے سفری رش کے دوران ریکارڈ کی گئی سطح سے 9.8 فیصد زیادہ ہیں۔