بیجنگ (شِنہوا) چین میں موسم بہار کے تہوار کی تعطیلات ختم ہونے کے ساتھ ہی،  شاہراہوں، ریلویز اور ہوائی اڈوں پر اپنے خاندانوں سے ملاقات اور تہوار کی تقریبات سے واپس آنے والوں کی تعداد میں اضافہ ہوا ہے۔

وزارت ٹرانسپورٹ کے مطابق، سات روزہ تعطیلات کے چھٹے دن جمعرات کو ملک میں سفری دوروں کی تعداد 4کروڑ35لاکھ 60ہزار سے زیادہ رہی ،جو اس سے ایک روز پہلے کے مقابلے میں 23.4 فیصد زیادہ ہے۔

سفری دوروں کا یہ حجم اگرچہ 2022 کی اسی مدت کے مقابلے میں 85.9 فیصد زیادہ  ہے تاہم  پھر بھی 2019 میں وباسے پہلے کی سطح سے 46.9 فیصد کم ہے۔ مجموعی سفری دوروں میں سے، گزشتہ سال کے مقابلے میں54.3 فیصد اضافے کے ساتھ تقریباً1کروڑ2لاکھ 90ہزار ٹرین سے کیے گئے،شاہراہوں سے کیے گئے سفری دورے 101.8 فیصد اضافے سے 3کروڑ7لاکھ 20ہزار رہے۔جمعرات کو ہوائی سفر میں 58.3 فیصد اور آبی گزرگاہوں کے سفر میں 98.9 فیصد اضافہ دیکھا گیا۔

پہلے چینی قمری ماہ کے پہلے دن بہار کا تہوار منایا جاتا ہے، اور نئے سال کے موقع پر اپنے پیاروں کے ساتھ وقت گزارنا چینی لوگوں کی ایک رسم ہے۔ اس سال کا بہار کا تہوار22 جنوری کو منایا گیا۔