بیجنگ (شِنہوا) چین میں رواں موسم گرما اورخزاں کے ہوا بازی کے سیزن  کے دوران  بین الاقوامی مسافر پروازوں کی آمد و رفت میں گزشتہ سال کے مقابلے میں واضح اضافہ ہو گا۔ چین کی سول ایوی ایشن ایڈمنسٹریشن (سی اے اے سی) کے مطابق 26 مارچ سے 28 اکتوبر تک ملکی اور غیر ملکی ایئر لائنز نے فی ہفتہ 14 ہزار 702 بین الاقوامی مسافریا مال بردارپروازیں ترتیب دی ہیں جس میں دنیا کے 101 شہروں کے لیے ہفتہ وار6 ہزار 772مسافر پروازیں اور 79 غیر ملکی شہروں سے 3ہزار 808 اندرون ملک مسافر پروازیں شامل ہیں۔

سی اے اے سی کے اعداد و شمارکےمطابق چینی مین لینڈ اور ہانگ کانگ کے درمیان ہفتہ وار مسافر اور کارگو پروازوں میں  گزشتہ سال کی نسبت 35.44 فیصد اضافہ جبکہ چینی مین لینڈ اور تائیوان کے درمیان پروازوں میں 21.52 فیصد اضافہ ہو گا۔ اسی طرح چین اور مکاؤ کے درمیان مسافر پروازوں میں بھی گزشتہ سال کے مقابلے میں 32.85 فیصد اضافہ ہوگا۔