بیجنگ(شِنہوا) چین میں مسافر گاڑیوں کی خوردہ فروخت میں اپریل میں 55.5 فیصد اضافہ ہوا۔

چائنہ پیسنجر کار ایسوسی ایشن کی جانب سے منگل کو جاری اعداد وشمارکے مطابق گزشتہ ماہ مجموعی طور پر 16لاکھ 30ہزار مسافر گاڑیاں فروخت ہوئیں، جو مارچ سے 2.5 فیصد زیادہ ہیں۔ مسافر گاڑیوں کی فروخت میں بڑے اضافے کے  کئی عوامل  ہیں ،جن میں مانگ میں اضافہ اور پچھلے سال کی اسی مدت کی کم بیس شامل ہیں۔

رواں سال کے پہلے چار ماہ میں، مسافر گاڑیوں کی خوردہ فروخت تقریباً 59لاکھ یونٹس رہی، جو 2022 کی اسی مدت کے مقابلے میں 1.3 فیصد کم ہے۔ اعداد و شمارکے مطابق  اپریل میں تقریباً 2لاکھ 40ہزار لگژری کاریں فروخت ہوئیں، جو گزشتہ سال سے 101 فیصد زیادہ ہیں۔