بیجنگ(شِنہوا) چین میں نایاب بیماریوں کے لئے مارکیٹنگ کے لیے منظور شدہ 75 میں سے 50 سے زیادہ ادویات کو میڈیکل انشورنس کے تحت ادویات کے کیٹلاگ میں شامل کیا گیا ہے۔  نیشنل ہیلتھ کیئر سیکورٹی ایڈمنسٹریشن (این ایچ ایس اے) کے مطابق نایاب بیماریوں کی ادویات تک رسائی اوران کی فراہمی کو بڑھانے کے لیے این ایچ ایس اے نے اندراج کے طریقہ کار کو بہتر بناتے اور رکاوٹوں کو کم کرکے میڈیکل انشورنس ڈرگ لسٹ میں مزید کوالیفائنگ ادویات شامل کی ہیں۔ نایاب امراض کی ادویات کی فراہمی کو یقینی بنانے کی کوششیں کی گئی ہیں۔ جون 2023 کے آخر تک، ملک بھرکے 2لاکھ 29ہزارنامزد ہسپتالوں اور فارمیسیوں میں نایاب بیماریوں کی ادویات کا ذخیرہ کیا گیا ہےجو طبی بیمہ کے تحت آتی ہیں۔

 این ایچ ایس اے نے کہا کہ مریضوں پر بوجھ کم کرنے کے لیے شرائط پر پورا اترنے والی نایاب بیماریوں کی مزید ادویات کو میڈیکل انشورنس ڈرگ لسٹ میں شامل کیا جائے گا۔