بیجنگ(شِنہوا)  چین نے ملک میں اولڈ ایج انشورنس میکانزم کو بڑھاتے ہوئے نجی پنشن پلان کے نفاذ کا اعلان کیا ہے۔

وزارت برائے انسانی وسائل وسماجی تحفظ کے مطابق، حکومتی حمایت یافتہ، رضاکارانہ اور مارکیٹ پر مبنی پنشن پلان 36 بڑے شہروں اور خطوں بشمول بیجنگ، شنگھائی، گوانگ ژو، شی آن اور چھینگڈو میں شروع کیا گیا ہے۔

پنشن پلان کے تحت  درخواست دہندگان اپنے انفرادی پنشن اکاؤنٹس کھول سکتے ہیں، جن  میں سالانہ 12ہزار یوآن (تقریباً 1,682.11 امریکی ڈالر) تک جمع کرائے جاسکتے ہیں  اور وہ ٹیکس مراعات سے لطف اندوز ہو سکتے ہیں۔ ان  اکاؤنٹس کو خاص طور پر کچھ اولڈ ایج مالی مصنوعات خریدنے کے لیے استعمال کیا جاسکتا ہے۔