بیجنگ(شِنہوا) چین میں توانائی کی وافر فراہمی کو یقینی بنانے اور اخراج میں کمی لانے کی کوششیں تیز ہونے کے بعد 2023 کے پہلے چار ماہ کے دوران صاف توانائی کی نئی نصب شدہ صلاحیت میں مسلسل اضافہ ہوا ہے ۔

قومی توانائی انتظامیہ کے اعداد و شمار کے مطابق جنوری سے اپریل تک چین میں ہوا اور فوٹو وولٹک بجلی کی نئی نصب شدہ صلاحیت 6 کروڑ 25 لاکھ 10 ہزار کلو واٹ تک پہنچ گئی۔

یہ تعداد ملک کی مجموعی  نئی نصب شدہ صلاحیت کا 74 فیصد ہے جو ایک سال پہلے کے مقابلے میں 11.5 فیصد زیادہ ہے۔

اس عرصے کے دوران چین کی ہوا اور فوٹو وولٹک بجلی کی پیداوار 482.8 ارب کلو واٹ تک پہنچ گئی  جو گزشتہ سال کی نسبت 26.8 فیصد زیادہ ہے۔

اپریل کے آخر تک چین کی ہوا سے بجلی پیدا کرنے کی صلاحیت 38 کروڑ کلوواٹ تک پہنچ گئی اور فوٹو وولٹک پاور کی نصب شدہ صلاحیت 44 کروڑ کلو واٹ ہوگئی۔

دونوں  کی مشترکہ طور پر ملک میں بجلی پیدا کرنے کی صلاحیت  30.9 فیصد ہے۔