نان چھانگ (شِنہوا) چین کی میٹھے پانی کی سب سے بڑی جھیل پویانگ میں پرندوں کے تحفظ کے فروغ کے لیے مصنوعی ذہانت (اے آئی) ٹیکنالوجی کی مدد سے ایک ذہین انتظامی پلیٹ فارم لانچ کردیا گیا ہے۔

چین کے مشرقی صوبے جیانگ شی میں پویانگ جھیل قومی افزائش گاہ انتظامیہ کے ایک اہلکار سن یو نے بتایا کہ مصنوعی ذہانت ٹیکنالوجی کی مدد سے پرندوں کی اقسام فوری طور پر شناخت کی جاسکتی ہیں اور پرندوں کے جھنڈ کے ارتکاز اور تعداد کا درست اندازہ لگایا جاسکتا ہے۔

انہوں نے کہا کہ اعداد و شمار کے تجزیے سے افزائش گاہ میں گشت کو مئو ثر بناتے ہوئے خوراک کی کمی جیسی صورتحال سے بروقت نمٹا جاسکتا ہے۔

پویانگ جھیل قدرتی افزائش گاہ میں اب 30 نگراں کیمرے نصب ہیں۔

فروری کے اختتام پر قومی جنگلات اور سبزہ زار انتظامیہ نے 2035-2021 کے لئے لائحہ عمل جاری کیا تھا جس میں پویانگ جھیل سمیت 1 ہزار 140 علاقوں کو مہاجر پرندوں کے آرام ، افزائش اور موسم سرما کے اہم مقامات کے طور پر مختص کیا گیا تھا۔

لاکھوں مہاجر پرندے جیسے سارس ، مشرقی سارس اور چھوٹے ہنس ہرسال جھیل پر آتے ہیں اور عروج کے اوقات میں یہ تعداد 8 لاکھ تک پہنچ جاتی ہے۔