بیجنگ (شِنہوا) چین میں رواں سال کی پہلی سہ ماہی کے دوران فکسڈ اثاثہ سرمایہ کاری میں گزشتہ برس کی نسبت  5.1 فیصد کا اضافہ ہوا۔

قومی ادارہ شماریات کے مطابق ابتدائی 3 ماہ  میں مجموعی سرمایہ کاری 107.3 کھرب یوآن (15.6 کھرب امریکی ڈالرز) رہی۔

جنوری ۔ مارچ عرصے کے دوران بنیادی ڈھانچے کی تعمیر میں کی گئی سرمایہ کاری میں گزشتہ برس کی نسبت 8.8 فیصد اضافہ ہوا۔ مینوفیکچرنگ شعبہ میں سرمایہ کاری 7 فیصد بڑھی جبکہ جائیداد کی ترقی میں سرمایہ کاری گزشتہ برس کے مقابلے میں 5.8 فیصد گھٹ گئی۔

اسی مدت کے دوران نجی شعبے کے فکسڈ اثاثہ سرمایہ کاری میں گزشتہ برس کی نسبت  0.6 فیصد اضافہ ہوا۔

اعلیٰ ٹیکنالوجی صنعتوں میں مستحکم شرح نمو جاری رہی اور اس کی سرمایہ کاری گزشتہ برس کے مقابلے میں 16 فیصد بڑھی ۔ خصوصاً اعلیٰ ٹیکنالوجی مینوفیکچرنگ اور اعلیٰ ٹیکنالوجی خدمات شعبوں میں گزشتہ برس کی نسبت بالترتیب 15.2 فیصد اور 17.8 فیصد اضافہ ہوا۔

لوگوں کا ذریعہ معاش بہتر بنانے کے لئے زائد مالی مدد دی گئی کیونکہ صحت عامہ  اور تعلیم پر سرمایہ کاری میں گزشتہ برس کی نسبت بالترتیب 21.6 فیصد اور 6.2 فیصد اضافہ ہوا۔