بیجنگ (شِنہوا) چین میں پراپرٹی سیکٹرکی ترقی اور استحکام کے لیے متعدد اقدامات متعارف کرائے گئے ہیں۔
ہاؤسنگ اور شہری-دیہی ترقی کی وزارت نے اعلان کیا کہ وہ رہن کے قرضے سے متعلق پالیسیوں اور گھر کے اولین خریداروں کے تعین سے متعلق اقدامات میں دوبارہ ردوبدل کرنے کی حمایت کرتی ہے۔
وزارت نے کہا کہ یہ اس حکم نامے کے مطابق ہے جو حال ہی میں وزارت، پیپلز بینک آف چائنہ، مرکزی بینک اور نیشنل فنانشل ریگولیٹری ایڈمنسٹریشن کی طرف سے مشترکہ طور پر جاری کیا گیا تھا۔
سرکلر کے مطابق، ایک گھرانہ جس کے افراد کے پاس کسی مخصوص علاقے میں مکان نہیں ، اسے بینک سے رہن کے قرض کے لیے درخواست دیتے وقت گھر کا پہلا خریدار تصور کیا جانا چاہیے۔
تاہم، وزارت ہاؤسنگ نے کہا کہ نئی پالیسی صرف شہروں کے لیے ایک آپشن فراہم کرتی ہے، جس کا مطلب ہے کہ شہر اپنی پسند کی بنیاد پر اسے اختیار کرسکتے ہیں یا رد کرسکتے ہیں۔
وزارت کے مطابق اس پالیسی سے گھروں کے زیادہ سے زیادہ خریداروں کوکم ڈاون پیمنٹ کرنا پڑے گی اور رہن کے قرضے کی شرح بھی کم ہوگی، مکان کی خریداری کے اخراجات کم ہوجائیں گے جس سے گھروں کی اونچی طلب اور ان لوگوں کی ضروریات بہتر طریقے سے پورا ہوں گی جوجائیداد کی فروخت اور دوبارہ خریداری کے ذریعے رہائشی سہولیات کوبہتر بنانا چاہتے ہیں۔
