گوانگژو(شِنہوا) چین نے پرندوں کی ہجرت کے راستوں کے تحفظ کے لیے ملک گیر کوششوں کا آغاز کردیا ہے۔

چین کے جنوبی صوبے گوانگ ڈونگ کے شہر ژوہائی سے شروع کی گئی یہ کوششیں جنگلی حیات کے عالمی دن کی تشہیری مہم کا حصہ ہیں، جو اس سال 3 مارچ کو منایا جائے گا ۔

فارسٹری اینڈ گراس لینڈ کے قومی ادارے نے مہم کے دوران سال 2021-2035 کے لیے ایک ایکشن پلان جاری کرتے ہوئے1ہزار140 مقامات کو نامزد کیا ہے جن میں جیانگ شی صوبے کی پویانگ جھیل کو ہجرت کرنے والے پرندوں کی سکونت، افزائش اور سردیوں کے لیے اہم قرار دیا گیا ہے۔

ایکشن پلان میں ہجرت کرنے والے پرندوں سے ہونے والے نقصان کے لیے معاوضے کا طریقہ کار وضع کرنے اور نقل مکانی کے راستوں کے تحفظ اور بحالی کے کام کو تیز کرنے جیسےاہم ٹاسک کا بھی تعین کیا گیا ہے۔