بیجنگ(شِنہوا)چین میں ریلوے کے شعبےمیں فکسڈ اثاثہ جات کی سرمایہ کاری رواں سال کے پہلے چار مہینوں میں گزشتہ سال کی نسبت 6.3 فیصد بڑھ گئی۔

چائنہ سٹیٹ ریلوے گروپ کمپنی لمیٹڈ کے اعداد و شمار کے مطابق ملک کے ریلوے  کے شعبے میں رواں سال کے پہلے چار مہینوں میں مجموعی طور پر167 ارب 40 کروڑ یوآن (تقریباً24 ارب 20 کروڑ ڈالر) کی سرمایہ کاری کی گئی جس سے ملک میں ریلوے کے جدید انفراسٹرکچر سسٹم کی تعمیر کو تیز رفتاری سے آگے بڑھایا جا رہا ہے۔

کمپنی نے کہا کہ اس نے 14ویں پانچ سالہ منصوبہ کی مدت (2021-2025) کے لیے متعارف کرائے گئے ملک کے 102 بڑے منصوبوں میں بنیادی طور پر ریلوے سے متعلقہ  منصوبوں پر توجہ مرکوز کر رکھی ہے۔

کمپنی نے کہا کہ خاص طور پر تیانجن اور بیجنگ ڈاشنگ بین الاقوامی ہوائی اڈے کے درمیان ریلوے لائن کے لیے ٹریک بچھانے کا کام مکمل ہو چکا ہے۔