بیجنگ(شِنہوا)چین میں ملازمتوں کی منڈی عمومی طور پر مستحکم رہی اور 2023 کے پہلے نو مہینوں میں 1 کروڑ 2 لاکھ20 ہزار نئی شہری ملازمتیں فراہم کی گئیں۔

جمعرات کو جاری اعداد و شمار  کے مطابق چین نے 2023 میں پورے سال کے لیے 1 کروڑ 20 لاکھ نئی شہری ملازمتیں پیدا کرنے کا سالانہ ہدف مقرر کر رکھا ہے۔

انسانی وسائل اور سماجی تحفظ کی وزارت کے مطابق ستمبر میں ملک کی سروے شدہ شہری بے روزگاری کی شرح 5 فیصد رہی جبکہ چین کا مقصد اس سال سروے شدہ شہری بے روزگاری کی شرح کو 5.5 فیصد کے قریب  محدود رکھنا ہے۔

وزارت کے ترجمان چھن فینگ نے ایک پریس کانفرنس میں بتایا کہ روزگار کی صورتحال عمومی طور پر مستحکم رہی ہے اور روزگار کے تمام اشاریے توقعات کے مطابق ہیں۔