ہائیکو(شِنہوا) چین کے جنوبی گوانگشی ژوانگ خود اختیار علاقے کے سابق نائب چیئرمین لیو ہونگ وو کو رشوت  لینے کے الزام میں 15 سال قید اور 60 لاکھ یوآن (8 لاکھ 40  ہزار ڈالر)جرمانے کی سزا سنا دی گئی ہے۔

ہائی نان صوبے کی  فرسٹ انٹرمیڈیٹ عوامی عدالت کے اعلامیہ کے مطابق، لیو کی جانب سے رشوت سے حاصل ہونے والی  رقم اور اس پر سود کی رقم قانون کے مطابق برآمد کر کے سرکاری خزانے میں جمع کرادی گئی  ہے، مزید رقم کی برآمدگی کا عمل جاری رہے گا۔

مقدمے کی کارروائی کے بعد  یہ بات سامنے آئی تھی کہ 2005 سے 2022 تک، لیو نے اپنے مختلف عہدوں کا فائدہ اٹھاتے ہوئے متعلقہ اداروں اور افراد کو انجینئرنگ پراجیکٹ کنٹریکٹنگ، لینڈ پراجیکٹ ڈویلپمنٹ، اور خصوصی سبسڈی فنڈز حاصل کرنے جیسے معاملات میں مدد دی۔

وو نے غیر قانونی طور پر مذکورہ اداروں اور افراد سے براہ راست یا دوسروں کے ذریعے رقم وصول کی۔ عدالت نے کہا کہ  وصول کی گئی نقدی اور جائیداد کی کل مالیت 8 کروڑ37 لاکھ 30 ہزار  یوآن سے زیادہ ہے۔