تیانجن(شِنہوا)  چین کے شمال مغربی صوبے چھنگھائی کے سابق سینئر قانون ساز لی جی شیانگ کے خلاف شمالی شہر تیانجن کی ایک عدالت میں رشوت لینے کے الزام میں مقدمہ کی سماعت ہوئی۔ لی پر 2004 سے 2021 تک پراجیکٹ کنٹریکٹنگ، ملازمتوں کی ترقیوں، مالی سبسڈیز اور دیگر شعبوں میں دوسرے لوگوں کو نوازنے  کے لیے اندرونی منگولیا خود اختیارعلاقے میں اپنے سابقہ عہدوں اور اپنی حیثیت سے فائدہ اٹھانے کا الزام ہے۔ فرد جرم کے مطابق بدلے میں، انہوں نے مبینہ طور پر8کروڑ82لاکھ 30ہزاریوآن(تقریباً1کروڑ24لاکھ ڈالر) سے زیادہ کی رقم اور تحائف قبول کیے،  استغاثہ نے لی کو رشوت لینے کا مجرم قرار دینے کی سفارش کی ہے۔ مقدمے کی سماعت کے دوران، لی نے اعتراف جرم اور اپنے کئے پر پشیمانی کا اظہار کیا۔