چھونگ چھنگ (شِنہوا) چینی عوامی سیاسی مشاورتی کانفرنس کی یونان کی صوبائی کمیٹی کے سابق نائب چیئرمین ہوانگ یی رشوت خوری کے مقدمے میں چھونگ چھنگ میونسپلٹی کی پہلی انٹرمیڈیٹ پیپلز کورٹ میں پیش ہوئے۔

استغاثہ کے مطابق ہوانگ پر3 کروڑ49 لاکھ 50 ہزار یوآن (تقریباً 50 لاکھ 90 ہزارڈالر) کی رقم اور قیمتی اشیاء قبول کرنے کا الزام عائد کیا گیا تھا۔

 انہوں نے مبینہ طور پر 2001 سے 2022 کے درمیان مختلف عہدوں پرتعیناتی کے دوران تعمیراتی منصوبوں کے ٹھیکے، کاروباری پروگراموں کی منظوری اور کاروباری اداروں کے آپریشن سے متعلق معاملات میں دوسروں کی مدد کرنے کے لیے اپنے عہدے کا فائدہ اٹھایا۔

ہوانگ نے اعتراف جرم کیا اور افسوس کا اظہار کیا۔ مقدمے کا فیصلہ سماعت کی تکمیل پر سنایا جائے گا۔