بیجنگ(شِنہوا) چین کے صوبے ہیبے کی پیپلز کانگریس کی قائمہ کمیٹی کے سابق ڈپٹی ڈائریکٹر وانگ شوئی فینگ پر رشوت خوری کے الزام میں فرد جرم عائد کر دی گئی ہے۔

سپریم پیپلز پروکیوریٹوریٹ کے مطابق نگران قومی کمیشن کی تحقیقات کی تکمیل کے بعد  چین کے شمالی صوبہ شنشی کے شہر تائی یوان کی پیپلز پروکیوریٹوریٹ نے وانگ کا مقدمہ شہر کی انٹرمیڈیٹ پیپلز کورٹ میں دائر کیا۔

استغاثہ نے وانگ پر اپنے مختلف عہدوں سے فائدہ اٹھانے اور دوسروں کے لیے منافع حاصل کرنے کی غرض سے اپنے اختیارات کا غلط استعمال کرنے اور بدلے میں خاص طور پر بڑی رقم اور قیمتی اشیاء وصول  کرنے کا الزام عائد کیا ہے۔

 استغاثہ نے مدعا علیہ کو ان کے قانونی حقوق سے آگاہ کیا ، ان سے پوچھ گچھ کی اور وکیل دفاع کے دلائل سنے۔