بیجنگ (شِںہوا) بیجنگ میں 2018 سے 2022 تک شجرکاری منصوبے کے دوران 10 لاکھ 20 ہزار مو (تقریباً 68 ہزار  ہیکٹر) سبزعلاقے کا اضافہ کیا گیا۔

بیجنگ بلدیہ بیورو برائے جنگلات اور پارکس کے مطابق 2022 کے اختتام تک بیجنگ میں جنگلات کی شرح 44.8 فیصد تک پہنچ گئی  جس سے دارالحکومت میں سبزے کی جگہ میں نمایاں اضافہ ہوا۔

گزشتہ 5 برس میں بیجنگ نے 180 شہری تفریحی پارکس اور 323 چھوٹے پارکس اور سبز علاقے قائم کئے  اور اس وقت  88 فیصد رہائشی 500 میٹر دائرے میں واقع پارکس اور سبز جگہوں کے نزدیک رہائش پذیر ہیں۔

بیجنگ میں 2012 سے 2017 کے دوران 10 لاکھ مو پر شجرکاری منصوبے شروع کئے گئے۔

شجرکاری منصوبوں کے 2018 اور 2022 میں نئے دور کے دوران پہاڑوں، دریاؤں ، جنگلات، کھیتوں، جھیلوں، گھاس کے میدانوں اور ریگستانوں کی مربوط حکمرانی پر روشنی ڈالی گئی اور جامع طور پر حیاتیاتی تنوع کا تحفظ مضبوط بنایا گیا۔

بیجنگ نے گزشتہ 5 برس میں 10 ہزار 200 ہیکٹرویٹ لینڈزکو بحال کیا ہے جہاں اس وقت زمینی جنگلی حیات کی 596 اقسام موجود ہیں۔