شی جیاژوانگ (شِنہوا) چین کے شمالی صوبہ ہیبے کے دارالحکومت شی جیا ژوانگ میں رواں سال کے پانچویں سمندری طوفان ڈوکسوری کے باعث جمعے سے مسلسل موسلادھار بارشوں کی وجہ سے مجموعی طور پر  20 ہزار 656 افراد کو محفوظ مقامات پر منتقل کر دیا گیا ہے۔

جمعہ کی رات 8 بجے سے اتوار کی صبح 6 بجے تک ہیبے کے بیشتر علاقوں میں موسلادھار بارش ہوئی۔ صوبے میں بعض موسمیاتی مشاہدے کے اسٹیشنز پر بارش 400 ملی میٹر سے تجاوز کر گئی ہے۔

صوبائی محکمہ موسمیات کی جانب سے اتوار کی صبح 5 بجے بھی موسلادھار بارش کا ریڈ الرٹ جاری کیا گیا۔

بارشوں کا سلسلہ جاری رہنے کی پیش گوئی کے پیش نظر پراونشل فلڈ کنٹرول اینڈ ڈراؤٹ ریلیف ہیڈ کوارٹر نے اتوار کی رات ایک بجے  سیلاب پر قا بو پا نے اور سمندری طو فا ن با رے ہنگا می رد عمل کو  تیسرے درجے سے دوسرے درجے تک اپ گریڈ کرنے کا فیصلہ کیا ہے۔

تائی ہانگ ماؤنٹین کے دور افتادہ علاقے میں واقع فوپنگ کاؤنٹی نے پہاڑی سیلاب اور ارضیاتی آفات کے خطرے سے دو چار 601 گھروں سے 1901 افراد کو دوسری جگہ منتقل کر دیا ہے۔