بیجنگ(شِنہوا) چین کے امراض کنٹرول کے ادارے نے انسانوں میں  شستوسومیاسز نامی پیراسائٹ سے پیدا ہونے والی بیماری کے بارے میں عوام میں آگاہی کو فروغ دینے کے لیے سات روزہ مہم شروع کی ہے۔ یہ پیراسائٹ سے ہونے والی  متعدی بیماری ہے جو خون میں پائے جانے والے جرثومے سے ہوتی ہے۔

نیشنل ڈیزیز کنٹرول اینڈ پریوینشن ایڈمنسٹریشن (این ڈی سی پی اے) کی طرف سے جاری بیان کے مطابق  8 سے 14 اپریل تک یہ مہم  اہم خطوں اور بڑی آبادی والے علاقوں میں چلائی جائے گی جو شستوسومیاسز انفیکشن کا شکار ہیں۔

شستوسومیاسز چین میں  کلاس بی کی متعدی بیماری ہے جو عمومی طور پریانگتزی  دریا کے طاس اور دریا کے جنوبی 12 صوبائی سطح کے علاقوں میں ریکارڈ کی گئی ۔