تائی یوآن(شِنہوا) چائنہ گرین ریزرو گروپ (سینوگرین) کے سابق ڈپٹی جنرل منیجر شو باویی کے خلاف رشوت خوری، سرکاری اداروں کے فرائض کی ادائیگی میں غفلت برتنے اور ذاتی مفاد کے لیے غیر قانونی ٹریڈنگ کے مقدمے کی کارروائی کی گئی۔

کیس کی سماعت چین کے شمالی صوبہ شنشی میں داتونگ کی ثانوی عوامی عدالت نے کی۔

شو پر الزام ہے کہ اس نے 2006 اور 2021 کے درمیان اپنے مختلف عہدوں کا فائدہ اٹھاتے ہوئے دوسروں کے لیے پراجیکٹ کنٹریکٹنگ، انٹرپرائز آپریشنز، پروجیکٹ فنڈز کی ادائیگی اور جاب ارینجمنٹ جیسے معاملات میں فائدہ اٹھایا۔ استغاثہ کے مطابق، غیر قانونی کاموں کے بدلے میں شو نے 1کروڑ38لاکھ یوآن(تقریباً20لاکھ ڈالر)کی رقم اور قیمتی سامان حاصل  کیا۔

ملزم پر پیٹرولیم سے متعلقہ سرکاری ادارے کے چیئرمین کی حیثیت سے غیر ذمہ داری کا مظاہرہ کرنےاور ریاستی مفادات کو بڑے پیمانے پر نقصان پہنچانے کا بھی الزام ہے۔

اپنے بیان میں، شو نے اعتراف جرم کرتے ہوئے پشیمانی کا اظہار کیا۔

شو کی سزا کا اعلان بعد میں کیا جائے گا۔