بیجنگ(شِنہوا) چین میں22لاکھ 50ہزار سے زائد افراد  گزشتہ روز  سول سروس بھرتی کےسالانہ امتحان میں شریک ہوئے تاکہ مرکزی اداروں اور ان کے ذیلی شعبوں میں خالی آسامیوں کے لیے مقابلہ کیا جا سکے۔

نیشنل سول سروس ایڈمنسٹریشن کے مطابق اس سال کے امتحان کے لیے26لاکھ 10ہزارسے زیادہ امیدواروں کی جانب سے درخواستیں دی گئیں،تقریباً 57 میں سے ایک امیدوار کو ہی بھرتی کیا جاسکے گا۔ تحریری امتحان ملک بھر کے 237 شہروں میں بیک وقت منعقد ہوا۔

چین 2024 کی سرکاری آسامیوں کے لیے 39ہزار600 سرکاری ملازمین کو بھرتی کرنے کا ارادہ رکھتا ہے تاکہ وہ مرکزی ایجنسیوں اور اداروں کے لیے کام کریں جو ان سے براہ راست منسلک ہیں۔