بیجنگ (شِنہوا) چین میں رواں سال کے دوران سورج اور ہوا سے بجلی پیدا کرنے کی صلاحیت میں زبردست اضافہ ہوا۔

قومی توانائی انتظامیہ کے مطابق ستمبر کے اختتام تک ملک کی تنصیب شدہ شمسی توانائی کی صلاحیت تقریباً 52 کروڑ کلو واٹ تھی جو گزشتہ برس کی نسبت 45.3 فیصد زائد ہے جبکہ ہوا سے بجلی پیدا کرنے کی تنصیب شدہ صلاحیت گزشتہ برس کی نسبت 15.1 فیصد بڑھ کر تقریباً 40 کروڑ کلو واٹ ہوگئی تھی۔

چین میں گزشتہ ماہ کے اختتام تک بجلی کی مجموعی پیداواری صلاحیت تقریباً 2.79 ارب کلوواٹ تھی جو گزشتہ برس کی نسبت 12.3 فیصد زائد ہے۔