بیجنگ(شِنہوا) چین میں  ستمبر کے دوران 5 جی موبائل فونز کی ترسیل گزشتہ سال کی نسبت 90.1 فیصد اضافے سے 2کروڑ87 لاکھ 20 ہزار یونٹ ہو گئی۔  

وزارت صنعت و انفارمیشن ٹیکنالوجی کے ذیلی ادارے ،چائنہ اکیڈمی آف انفارمیشن اینڈ کمیونیکیشن ٹیکنالوجی (سی اے آئی سی ٹی) کے اعداد و شمار کے مطابق  یہ حجم ستمبر میں ملک میں فون کی مجموعی  ترسیل کا 86.3 فیصد ہے۔  

ستمبر میں، 20 نئے 5جی فون ماڈلز جاری کیے گئے، جو گزشتہ سال سے 33.3 فیصد کا اضافہ ہے۔

اعداد و شمار کے مطابق، ستمبر کے دوران ملک میں موبائل فون کی کل ترسیل 3کروڑ32 لاکھ 80ہزاریونٹس تک پہنچ گئی، جو ایک سال پہلے کے مقابلے میں 59 فیصد زیادہ ہے۔