بیجنگ (شِںہوا) چین نے ثقافتی وسیاحتی شعبوں میں کھپت بڑھانے کی ایک مہم شروع کی ہے۔
چینی وزارت ثقافت و سیاحت کے جاری کردہ مراسلے کے مطابق یہ مہم رواں سال کے اختتام تک جاری رہے گی ۔اس مہم کا مقصد اس بات کو یقینی بنانا ہے کہ لوگ کھپت سے فائدہ اٹھائیں۔
مراسلے میں کہا گیا ہے صارفین کو سبسڈی دینے ،چھوٹے اور مائیکرو اداروں کو درپیش مشکلات میں کمی کے لئے اقدامات ترتیب دیئے جائیں اور ان پر عملدرآمد کیا جائے۔
ملک بھر میں ثقافت و سیاحت کے انتظامی محکموں سے کہا گیا ہے کہ وہ کھپت کے فروغ کی مختلف سرگرمیوں کے انعقاد میں مالیاتی اداروں ، ای کامرس پلیٹ فارمز ، نئے میڈیا پلیٹ فارمز اور دیگر تنظیموں سے تعاون کریں۔
مراسلے میں کنسرٹس، میوزک فیسٹیولز اور نمائشوں جیسی سرگرمیوں کے مزید انعقاد کا بھی کہا گیا ہے۔
