بیجنگ(شِنہوا) چین ملک کے ثقافتی ورثے کے حامل مقامات کے سروے اور اس کو دستاویزی شکل دینےکا نیامرحلہ شروع کرے گا۔

قومی ثقافتی ورثہ کے ادارے کی جانب سے جاری سرکلر میں 2023 کے آغاز سے ملک کے غیر منقولہ ثقافتی ورثے کا تین سے چار سالوں میں مکمل جائزہ لینے کے لیے اپنا منصوبہ پیش کیاہے۔

ادارے کے مطابق، سروے میں 2012 سے دریافت ہونے والے ثقافتی مقامات کا احاطہ کیا جائے گا، جن میں زمین، زیر زمین اور پانی کے اندر موجود مقامات شامل ہیں۔ سروے کا مقصد ثقافتی ورثے کے حامل مقامات کی تعداد، ارضیاتی تقسیم، تحفظ کی صورت حال اور سائٹس کے بارے میں دیگر معلومات حاصل کرنا ہے۔

ادارے نے کہا کہ  ملک کے ثقافتی ورثے کی ایک قومی فہرست بنائی جائے گی،جس میں شامل ہر سائٹ کو تحفظ کی ایک مخصوص سطح تفویض کی جائے گی۔