بیجنگ (شِنہوا) چین کے کوئلہ ، خام تیل اور قدرتی گیس کی پیداوار میں رواں سال کے ابتدائی 10 ماہ کے دوران مستقل توسیع کا رجحان برقرار رہا۔

قومی ادارہ شماریات کے مطابق اکتوبر کے دوران ملک میں 39 کروڑ ٹن کوئلہ کان سے نکالا گیا جو گزشتہ برس کی نسبت 3.8 فیصد زائد ہے۔ رواں سال کے ابتدائی 10 ماہ کے دوران کوئلے کی پیداوار 3.83 ارب ٹن تک پہنچ گئی جو گزشتہ برس کی اسی مدت کے مقابلے میں 3.1 فیصد زیادہ ہے۔

چین نے جنوری سے اکتوبر کے دوران مجموعی طور پر 38 کروڑ ٹن کوئلہ درآمد کیا جو ایک برس قبل سے 66.8 فیصد زائد ہے۔

اسی مدت میں ملک کی خام تیل کی پیداوار گزشتہ برس کی نسبت 1.7 فیصد اضافے سے 17 کروڑ 40 لاکھ 50 ہزار ٹن رہی جبکہ خام تیل کی درآمد  14.4 فیصد اضافے سے 47 کروڑ 32 لاکھ 20 ہزار ٹن تک پہنچ گئی۔

قومی ادارہ شماریات کے مطابق رواں سال کے ابتدائی 10 ماہ میں قدرتی گیس کی پیداوار 6.1 فیصد اضافے سے 189.6 ارب مکعب میٹر رہی جبکہ قدرتی گیس کی درآمد 8.8 فیصد اضافے سے 9 کروڑ 65 لاکھ 10 ہزار مکعب میٹر تک پہنچ گئی۔