جی شی شان(شِنہوا) چین کے شمال مغربی صوبے گانسو کے زلزلے سے متاثرہ علاقوں میں نقل مکانی کرنے والوں کو پناہ فراہم کرنے کے لیے مجموعی طور پر11ہزارعارضی مکانات تعمیر کیے گئے ہیں۔

زلزلہ ریسکیو کے مقامی ہیڈکوارٹر کے مطابق  صوبے میں زلزلہ زدگان کی پناہ  کے لیے 15ہزارایسے مکانات تعمیر کیے جارہے ہیں، جن کے مکانات ایک ہفتہ قبل آنے والے 6.2 شدت کے زلزلے میں تباہ یا جزوی تباہ ہو گئے تھے، زلزلے کے نتیجے میں سینکڑوں افراد ہلاک اور زخمی ہوئے۔ متاثرہ رہائشی فی الحال بہترسہولیات کے ساتھ پری فیب گھروں میں منتقل ہو رہے ہیں۔