جن شی شان (شِنہوا) چین میں پیر کی شب شمال مغربی صوبے گانسو میں 6.2 شدت کے زلزلے کا زلزلہ آیا جس سے گانسو اور ہمسایہ صوبہ چھنگ ہائی میں 113 افراد لقمہ اجل بن گئے۔

چائنہ زلزلہ نیٹ ورک سینٹر کے مطابق زلزلہ پیر کی شب 11 بج کر 59 منٹ پر آیا جس کا مرکز 10 کلومیٹر گہرائی میں تھا۔ زلزلے کا مرکز لیوگو قصبے میں تھا جو گانسو کی جی شی شان باؤآن ڈونگ شیانگ سالار خوداختیار کاؤنٹی سے تقریباً 8 کلومیٹر کی مسافت پر واقع ہے۔

زلزلے کے جھٹکے چھنگ ہائی کے شہروں شی ننگ اور ہائی ڈونگ میں بھی محسوس کئے گئے جہاں کچھ مکانات منہدم ہوئے اور دراڑیں پڑ گئیں۔

شِنہوا کے صحافیوں نے امدادی گاڑیوں اور ایمبولینسوں کو  گانسو میں زلزلے زدہ علاقوں کی طرف تیزی سے جاتے ہوئے دیکھا۔

چھن جیا دیہات کی ایک مکین ڈینگ شیاؤلونگ زلزلے کے وقت گھر میں سو رہے تھے۔ شدید جھٹکے نے انہیں جگادیا وہ تیزی سے گھر سے باہرنکلے۔

دا ہی جیا مڈل اسکول کی طالبہ ما شی جون ننگے پاؤں اور بغیر کوٹ پہنے ہاسٹل سے باہر نکل گئیں۔ زلزلے کے شدید جھٹکوں سے ان کے ہاتھ متاثر ہوئے ہیں۔ انہوں نے بتایا کہ زلزلے کے بعد اساتذہ نے فوری طور پر طلباء کے کھیل کے میدان میں پناہ لینے کا انتظام کیا۔

ما نے بتایا کہ زیادہ سے زیادہ ریسکیو اہلکاروں کو دیکھ کر ان کو محسوس ہونے والا  خوف کم ہوا۔

صوبائی فائر اینڈ ریسکیو ڈپارٹمنٹ نے 88 فائر انجنز، 12 سرچ اینڈ ریسکیو کتے اور 10 ہزار سے زائد آلات کے ساتھ 580 امدادی کارکن متاثرہ علاقے میں بھیجے ہیں۔

ریلوے نے زلزلہ زدہ علاقے سے گزرنے والی مسافر اور مال بردار ٹرینوں کو معطل کردیا ہے اور ریلوے پٹریوں کی حفاظتی جانچ کا حکم دیا ہے۔

گانسو کے پارٹی سربراہ ہو چھانگ شینگ اور گانسو کے گورنر رین ژین ہی امدادی کارروائیوں  کی نگرانی کے لیے متاثرہ علاقے میں موجود ہیں۔