جینان(شِنہوا)  چین کے مشرقی صوبے شان ڈونگ کے شہر ژوچھینگ کےمقامی حکام نےجنگجو ریاستوں کے عہد(475 سے221قبل مسیح) سے تعلق رکھنے والی ماہر کاریگروں کے کام کرنے کی جگہ  دریافت کی ہے۔

مقامی حکام کے مطابق  ورکشاپ کی عمارت کی بنیادیں ژو ریاست کے قدیم دارالحکومت کے کھنڈرات میں واقع ہیں ،خیال کیا جاتا ہے کہ یہ چھن عہد (221سے 207 قبل مسیح ) اور ہان عہد (202 قبل مسیح سے 220 عیسوی ) کے دوران ایک مقامی سرکاری دفتر میں تبدیل کردی گئی تھی۔

کھدائی کے دوران ورکشاپ کی جگہ سے مٹی کی 821  مہریں، مٹی کے 243 برتنوں کے علاوہ مٹی کے برتنوں کے ٹکڑوں اور مقامی اہلکاروں کے زیر استعمال مہریں بھی دریافت ہوئی ہیں۔