بیجنگ (شِنہوا) چین نے پانچ اپریل کو منا ئے جا نے والے مقبروں کی صفائی کے دن یا چھنگ منگ تہوار کے دوران مقبروں کی صفائی کو با ضا بطہ  کرنے کے لئے سرکلر جاری کیا ہے۔

سائبر اسپیس ایڈمنسٹریشن آف چائنہ اور وزارت شہری امور کی جانب سے مشترکہ طور پر جاری ہونے والے سرکلر کے مطابق آن لائن مقبروں کی صفائی کے پلیٹ فارمز اور صارفین کی سرگرمیوں کے معیاری انتظام کا حکم دیا گیا ہے۔

سرکلر کے مطابق بلا جواز فیس، ما ضی کے ہیروز کی بدنامی اور فحش، جاگیردارانہ یا توہم پرست معلومات پھیلانے پر بھی پابندی عائد ہے۔ 

سرکلر میں کہا گیا ہے کہ آن لائن مقبروں کی صفائی کے پلیٹ فارمز کو انٹرنیٹ صارفین کی جانب سے موصول ہونے والی اطلاعات کو فوری طور پر حل کرنا چا ہئے۔