بیجنگ (شِںہوا) چین میں 2023 کے ابتدائی سات ماہ کے دوران مقررہ اثاثہ جات سرمایہ کاری میں گزشتہ برس کی نسبت 3.4 فیصد اضافہ ہوا۔

قومی ادارہ شماریات نے ایک بیان میں بتایا کہ اس عرصے میں مجموعی سرمایہ کاری 285.9 کھرب یوآن (تقریباً 39.8 کھرب امریکی ڈالرز) رہی۔

بنیادی ڈھانچے کی تعمیر میں کی گئی سرمایہ کاری میں گزشتہ برس کے اسی عرصے کی نسبت 6.8 فیصد اضافہ ہوا جبکہ مینوفیکچرنگ میں سرمایہ کاری 5.7 فیصد بڑھی ہے۔

جائیدادوں کی ترقی میں سرمایہ کاری میں 8.5 فیصد اور نجی شعبے کی سرمایہ کاری میں 0.5 فیصد کمی واقع ہوئی۔

ہائی ٹیک صنعتوں میں شرح نمو مضبوط رہی جو گزشتہ برس کی نسبت 11.5 فیصد تھی۔ خاص طور پر ہائی ٹیک مینوفیکچرنگ اور ہائی ٹیک سروسز شعبوں میں سرمایہ کاری میں بالترتیب 11.5 فیصد اور 11.6 فیصد اضافہ ہوا۔